«Qurmetti sezd delegattary, qurmetti qonaqtar! Barshyńyzdy «Nur Otan» partııasynyń 20 jyldyq mereıtoıymen quttyqtaımyn. 1999 jylǵy 1 naýryz elimizdiń jylnamasyna partııamyzdyń negizi qalanǵan kún retinde jazyldy. Tarıh ólshemimen qaraǵanda bul kóp ýaqyt emes. Biraq biz úshin tutas dáýirge barabar. Ǵasyrlar toǵysyndaǵy kúrdeli jaǵdaıdy ózderińiz bilesizder. Bizge tez arada durys tańdaý jasaýdy talap etken zaman boldy. Táýelsizdigimizdi nyǵaıtyp, myqty memleket qurý úshin bizge batyl qadamdar jasap, mańyzdy reformalar jasaý kerek boldy. Áıtpese álemdik órkenıet jolyna bastaıtyn damý kóshinen qalyp qoıar edik. Osyndaı uly maqsatty kózdegen «Nur Otan» partııasy halyqtyń senimin aqtap, ornyqty ekonomıkamyzdy qamtamasyz etetin birden-bir saıası kúshke aınaldy. Syndarly jyldary janymnan tabylyp, bıik belesterdi baǵyndyrýǵa atsalysqan partııalastaryma, barshańyzǵa alǵysymdy bildiremin» dedi Elbasy quttyqtaý sózinde.
Aıta keteıik, búgin Astanadaǵy Táýelsizdik saraıynda Elbasynyń qatysýymen «Nur Otan» partııasynyń kezekti XVIII sezi ótip jatyr.
